ஜூன் மாத எரிவாயு விலை திருத்தம் தொடர்பில் லிட்ரோவின் அறிவிப்பு!

ஜூன் மாதத்திற்கான எரிவாயு விலை திருத்தம் தொடர்பான அறிவிப்பு எதிர்வரும் ஜூன் 4 ஆம் திகதி வெளியிடப்படும் என லிட்ரோ நிறுவனம் தெரிவித்துள்ளது.

இதனையடுத்து, ஜூன் 5 ஆம் திகதி முதல் புதிய எரிவாயு விலைகள் அமுல்படுத்தப்படலாம் என நிறுவனத்தின் பேச்சாளர் தெரிவித்துள்ளார்.

மாதாந்திர விலை திருத்தத்திற்குத் தேவையான அறிக்கைகள் தற்போது நிதி அமைச்சுக்கு அனுப்பி வைக்கப்பட்டுள்ளதுடன், இறுதி அறிக்கை ஜூன் 4 ஆம் திகதி கிடைக்கும் என எதிர்பார்க்கப்படுவதாகவும் அவர் குறிப்பிட்டுள்ளார்.

உலக சந்தையில் நிலவும் விலை மாற்றங்கள் மற்றும் பொருளாதார காரணிகளை அடிப்படையாகக் கொண்டு இம்முறை எரிவாயு விலைகள் மீளாய்வு செய்யப்படவுள்ளதாக லிட்ரோ நிறுவனம் தெரிவித்துள்ளது.

புதிய விலை அறிவிப்பு வெளியாகும் வரை தற்போதைய எரிவாயு விலைகளே தொடரும் எனவும் தெரிவிக்கப்பட்டுள்ளது.