தனது உயிருக்கு ஏதேனும் ஆபத்து ஏற்பட்டால் இவர்களே பொறுப்பு : சுரேஷ் சாலே தனது சட்டத்தரணியிடம் ஒப்படைத்த கடிதம்!

தேசிய புலனாய்வு சேவையின் முன்னாள் பணிப்பாளரும், ஓய்வுபெற்ற மேஜர் ஜெனரலுமான சுரேஷ் சாலே, மாரடைப்பு காரணமாக கொழும்பு தேசிய மருத்துவமனையின் இதயவியல் பிரிவில் அனுமதிக்கப்பட்டுள்ளார்.

அவர் தற்போது சிறப்பு மருத்துவக் கண்காணிப்பின் கீழ் சிகிச்சை பெற்று வருவதாக தெரிவிக்கப்படுகிறது.

இந்நிலையில், இன்று (27) மருத்துவமனைக்கு வந்த பின்னர் ஊடகங்களிடம் பேசிய அவரது மனைவி, கடந்த புதன்கிழமை சுரேஷ் சாலே தனது வழக்கறிஞரிடம் கைப்பட எழுதப்பட்ட ஆவணம் ஒன்றை ஒப்படைத்ததாக தெரிவித்துள்ளார்.

அந்த ஆவணத்தில், தனது உயிருக்கு ஏதேனும் ஆபத்து ஏற்பட்டால், அதற்கான பொறுப்பு ஜனாதிபதி அனுர குமார திசாநாயக்க, பொது பாதுகாப்பு அமைச்சின் செயலாளர் ரவி செனவிரத்ன, குற்றப் புலனாய்வுத் துறையின் பணிப்பாளர் சிரேஷ்ட காவல்துறை கண்காணிப்பாளர் ஷானி அபேசேகர உள்ளிட்ட சிலர் மீது இருப்பதாக அவர் குறிப்பிட்டிருந்ததாக அவரது மனைவி கூறியுள்ளார்.

மேலும், இந்த விடயம் தொடர்பாக அதிகாரிகள் கவனம் செலுத்தி தேவையான நடவடிக்கைகளை எடுக்க வேண்டும் என்றும் அவர் தெரிவித்துள்ளார்.