சமூக ஊடக மோசடிகள் தொடர்பில் ஸ்ரீலங்கன் ஏர்லைன்ஸ் எச்சரிக்கை!

ஸ்ரீலங்கன் ஏர்லைன்ஸ் நிறுவனம், சமூக ஊடகங்கள் வழியாக பரவி வரும் மோசடி முயற்சிகள் குறித்து பயணிகளுக்கு முக்கிய எச்சரிக்கை விடுத்துள்ளது. பேஸ்புக், வாட்ஸ்அப் உள்ளிட்ட தளங்களில் போலியான சலுகைகள் அதிகரித்து வருவதுடன், அவற்றில் நிறுவனத்தின் பெயர், லோகோ மற்றும் பிராண்ட் தவறாக பயன்படுத்தப்படுவதாகவும் தெரிவிக்கப்பட்டுள்ளது.

நிறுவனம் மேலும் தெளிவுபடுத்தியதாவது, எந்த நிலையிலும் சமூக ஊடகங்கள் மூலம் பணம், OTP, கிரெடிட் கார்டு விவரங்கள் அல்லது வங்கி தகவல்கள் போன்ற நிதி தொடர்பான தனிப்பட்ட தகவல்களை கோராது என்பதாகும். எனவே, பயணிகள் எந்த சலுகையையும் பயன்படுத்தும் முன், அது நிறுவனத்தின் அதிகாரபூர்வ இணையதளம் (www.srilankan.com) அல்லது சரிபார்க்கப்பட்ட சமூக ஊடக கணக்குகள் வழியாக வெளியிடப்பட்டதா என்பதை உறுதி செய்ய வேண்டும் என அறிவுறுத்தப்பட்டுள்ளது.

மேலும், மோசடிக்காரர்கள் வழக்கத்திற்கு மாறான எழுத்துக்கள், சந்தேகமான இணைப்புகள் மற்றும் போலியான சமூக ஊடக கணக்குகள் மூலம் நிறுவனத்தை போலியாகக் காட்ட முயற்சிப்பதாகவும் எச்சரிக்கப்பட்டுள்ளது. சமூக ஊடகங்களில் பரவும் இத்தகைய தகவல்களை உடனடியாக நம்பாமல், முதலில் சரிபார்த்து மட்டுமே செயல்பட வேண்டும் என ஸ்ரீலங்கன் ஏர்லைன்ஸ் பொதுமக்களிடம் கேட்டுக்கொண்டுள்ளது.