நாட்டின் பல பகுதிகளில் இடியுடன் கூடிய மழைக்கான சாத்தியம்

வளிமண்டலவியல் திணைக்களம் இன்று (01) வெளியிட்டுள்ள அறிவிப்பின்படி, கிழக்கு, தெற்கு மற்றும் ஊவா மாகாணங்களுடன் மாத்தளை, நுவரெலியா மற்றும் பொலன்னறுவை மாவட்டங்களில் அவ்வப்போது இடியுடன் கூடிய மழை பெய்யக்கூடும்.

வடக்கு மாகாணத்திலும் அனுராதபுரம் மாவட்டத்திலும் பல இடங்களில் மழை ஏற்படும் என எதிர்பார்க்கப்படுகிறது. பிற்பகல் அல்லது இரவு நேரங்களில் நாட்டின் மற்ற பகுதிகளிலும் மழை அல்லது இடியுடன் கூடிய மழை பெய்யக்கூடும்.

மேலும், ஊவா மாகாணம், மட்டக்களப்பு, அம்பாறை, மாத்தளை, நுவரெலியா, ஹம்பாந்தோட்டை மற்றும் பொலன்னறுவை மாவட்டங்களில் சில இடங்களில் 75 மில்லிமீற்றருக்கும் அதிகமான ஓரளவு பலத்த மழை பெய்யக்கூடும். அதேவேளை, வடமத்திய, கிழக்கு மற்றும் வடமேற்கு மாகாணங்களிலும் மாத்தளை மற்றும் நுவரெலியா மாவட்டங்களிலும் 30-40 கிலோமீற்றர் வேகத்தில் ஓரளவு பலத்த காற்று வீசும் வாய்ப்பு உள்ளதாகவும் அறிவுறுத்தப்பட்டுள்ளது.