தமிழக முதலமைச்சராக பதவி ஏற்கவுள்ள விஜய்! - வெளியான தகவல்

தமிழக சட்டமன்றத் தேர்தலில் நடிகர் விஜய் தலைமையிலான தமிழக வெற்றி கழகம் (TVK) வரலாற்றுச் சிறப்புமிக்க வெற்றியை பதிவு செய்துள்ளது.

இந்த நிலையில், மே 7 ஆம் தேதி சென்னை நேரு விளையாட்டரங்கில் விஜய் தமிழக முதலமைச்சராக பதவியேற்க உள்ளதாக இந்திய ஊடகங்கள் தகவல் வெளியிட்டுள்ளன.

தமிழக அரசியல் வரலாற்றில், முன்னாள் முதல்வர் எம்.ஜி. ராமச்சந்திரனுக்கு (எம்ஜிஆர்) பின்னர் புதிய அரசியல் எழுச்சியை உருவாக்கியவராக விஜய் பார்க்கப்படுகிறார். இதனால், அவரது வெற்றியை ரசிகர்கள் மற்றும் ஆதரவாளர்கள் மாநிலம் முழுவதும் உற்சாகமாக கொண்டாடி வருகின்றனர்.

50 ஆண்டுகளுக்கும் மேலாக திராவிட அரசியலின் முக்கிய மையமாக விளங்கிய தமிழ்நாட்டில், நீண்ட காலமாக ஆட்சியில் இருந்து வந்த திமுகக்கு இந்தத் தேர்தல் முடிவுகள் பெரிய பின்னடைவை ஏற்படுத்தியுள்ளன. இந்த சூழலில், திமுக தலைவர் மற்றும் முதலமைச்சர் மு.க. ஸ்டாலின் தனது பதவியை ராஜினாமா செய்துள்ளதாகவும், அதனைத் தொடர்ந்து விஜய் புதிய முதலமைச்சராக பதவியேற்க உள்ளதாகவும் தகவல்கள் தெரிவிக்கின்றன.

இதன் மூலம், தமிழக அரசியல் வரலாற்றில் முக்கிய திருப்புமுனையாக இந்த தேர்தல் முடிவு பார்க்கப்படுகிறது.