TIN எண் பெறுவோருக்கு உள்நாட்டு இறைவரித் திணைக்களத்தின் அவசர எச்சரிக்கை!

2026 மே 19 ஆம் திகதி முதல் வரி செலுத்துவோர் அடையாள எண் (TIN) பெறும் நபர்களுக்கு உள்நாட்டு இறைவரித் திணைக்களம் அவசர எச்சரிக்கை விடுத்துள்ளது.

அதன்படி, தவறான அல்லது போலியான தகவல்களை வழங்கி TIN எண் பெற முயற்சிக்கும் நபர்கள் மீது கடுமையான சட்ட நடவடிக்கை எடுக்கப்படும் என திணைக்களம் தெரிவித்துள்ளது.

மேலும், இதுவரை TIN எண்ணிற்காக பதிவு செய்துள்ளோரின் எண்ணிக்கை 13 மில்லியனைத் தாண்டியுள்ளதாகவும் தெரிவிக்கப்பட்டுள்ளது.

வரி செலுத்துவோர் அடையாள எண் என்பது உள்நாட்டு இறைவரித் திணைக்களம் வழங்கும் தனிப்பட்ட அடையாள எண்ணாகும். இந்த எண் வருமான வரி தாக்கல், வேலைவாய்ப்பு நடவடிக்கைகள், வங்கி பரிவர்த்தனைகள், இறக்குமதி மற்றும் ஏற்றுமதி செயல்பாடுகள் உள்ளிட்ட பல்வேறு அதிகாரப்பூர்வ தேவைகளுக்காக கட்டாயமாக பயன்படுத்தப்படுகிறது.

எனவே, சரியான தகவல்களை மட்டுமே சமர்ப்பித்து பதிவு செய்யுமாறு அதிகாரிகள் பொதுமக்களிடம் கேட்டுக்கொண்டுள்ளனர்.