நானுஓயாவில் மோட்டார் சைக்கிளும் லொறியும் நேருக்கு நேர் மோதி விபத்து!

நுவரெலியா - ஹட்டன் ஏ7 பிரதான வீதியில் வேண்டிகோனர் பகுதியில் இன்று காலை மோட்டார் சைக்கிளும், லொறியும் நேருக்கு நேர் மோதி விபத்துக்குள்ளாகியுள்ளது. 

குறித்த விபத்தில் சிக்கி மோட்டார் சைக்கிளில் பயணித்த நபரொருவர் படுகாயமடைந்துள்ளார்.

நுவரெலியா பகுதியிலிருந்து ஹட்டன் நோக்கி சென்ற மோட்டார் சைக்கிள், எதிர் திசையில் ஹட்டன் பகுதியில் இருந்து நுவரெலியா நோக்கி சென்ற லொறியுடன்  மோதியே விபத்துக்குள்ளாகியுள்ளது.

விபத்தில் படுகாயமடைந்த மோட்டார் சைக்கிள் சாரதி நுவரெலியா மாவட்ட பொது வைத்தியசாலையில் சேர்க்கப்பட்டுள்ளார். 

இந்த விபத்தில் மோட்டார் சைக்கிள் பலத்த சேதமடைந்துள்ளதாக தெரிவிக்கப்பட்டுள்ளது.

மேலும் லொறியின் சாரதி சந்தேகத்தின் பேரில் கைது செய்யப்பட்டுள்ளதாக விபத்து தொடர்பான விசாரணையை மேற்கொள்ளும் நானுஓயா பொலிஸார் தெரிவித்தனர்.