சமுர்த்தி சட்டத்தை திருத்த நடவடிக்கை

சமுர்த்தி சட்டத்தை திருத்துவதற்கான சட்டமூலத்தை முன்வைக்க அரசாங்கம் நடவடிக்கை எடுத்துள்ளது.

கிராமிய அபிவிருத்தி மேம்பாடு, சமூக பாதுகாப்பு மற்றும் சமூக வலுவூட்டல் அமைச்சினால் தொடர்புடைய சட்டமூலம் சமர்ப்பிக்கப்பட்டுள்ளதாக தெரிவிக்கப்படுகிறது.

மேற்படி, தேசிய கணக்காய்வு சட்டத்தின் விதிகளின் கீழ் சமுர்த்தி சமூக வங்கிகளின் கணக்குகளை தணிக்கை செய்ய முன்மொழியப்பட்டுள்ளது.

மேலும், சமுர்த்தி சமூக வங்கி சங்கங்களின் கணக்குகளை தணிக்கை செய்வதற்கும் தொடர்புடைய சட்டமூலம் முன்மொழியப்பட்டுள்ளதாக தெரிவிக்கப்படுகிறது.

இந்த சட்டமூலம் பாராளுமன்றத்தில் சமர்ப்பிக்கப்பட்டு நிறைவேற்றப்பட்ட பிறகு, இது சமுர்த்தி திருத்தச் சட்டம் என்று பெயரிட திட்டமிடப்பட்டுள்ளது.