பிட்காயின் விலை வீழ்ச்சி!

சர்வதேச சந்தையில் பிட்காயின் விலை நேற்று (03) சுமார் 4 சதவீதம் வீழ்ச்சியடைந்து 64,721.39 அமெரிக்க டொலராக பதிவாகியுள்ளது. இது கடந்த பெப்ரவரி 28 ஆம் திகதிக்குப் பின்னர் பதிவான மிகக் குறைந்த விலை மட்டம் என தெரிவிக்கப்படுகிறது.

கிரிப்டோகரன்சி சந்தையில் ஏற்பட்ட பெருமளவிலான விற்பனை அழுத்தமும், அமெரிக்காவின் ‘ஸ்பாட் பிட்காயின் ETF’களிலிருந்து முதலீடுகள் வெளியேறியதுமே இந்த திடீர் வீழ்ச்சிக்கான முக்கிய காரணங்களாக குறிப்பிடப்படுகின்றன.

மேலும், முதலீட்டாளர்கள் கிரிப்டோ சந்தையிலிருந்து விலகி, செயற்கை நுண்ணறிவு மற்றும் உயர் தொழில்நுட்ப பங்குகள் உள்ளிட்ட பாரம்பரிய பங்குச் சந்தைகளில் அதிகமாக முதலீடு செய்யத் தொடங்கியதும் இந்த நிலைக்கு காரணமாகியுள்ளது.

இதோடு, உலகளாவிய சந்தை அழுத்தங்கள், வட்டி விகிதங்கள் தொடர்பான எதிர்பார்ப்புகள் மற்றும் லாபத்தைப் பெறும் நோக்கில் மேற்கொள்ளப்படும் விற்பனைகள் ஆகியவையும் பிட்காயின் விலை வீழ்ச்சிக்கு தாக்கம் ஏற்படுத்தியுள்ளதாக சந்தை நிபுணர்கள் தெரிவித்துள்ளனர்.