18 வீத வற் வரி ஜூலை வரை மீண்டும் ஒத்திவைப்பு!

இலங்கையில் வெளிநாட்டு நிறுவனங்களால் வழங்கப்படும் டிஜிட்டல் சேவைகளுக்கான 18 சதவீத VAT வரியை அமுல்படுத்துவதை எதிர்வரும் ஜூலை மாதம் 1 ஆம் திகதி வரை ஒத்திவைக்க அரசாங்கம் தீர்மானித்துள்ளது.

இது தொடர்பான விசேட சுற்றறிக்கையை உள்நாட்டு இறைவரித் திணைக்களம் வெளியிட்டுள்ளது.

VAT சட்டத்தில் மேற்கொள்ளப்பட வேண்டிய உத்தியோகபூர்வ திருத்தங்கள் மற்றும் தகவல் தொழில்நுட்ப நிறுவனங்கள் எழுப்பியுள்ள கவலைகளை கருத்திற்கொண்டு இந்தத் தீர்மானம் எடுக்கப்பட்டுள்ளது.

மின்-வணிகம், டிஜிட்டல் சந்தைப்படுத்தல், இணையப் பாதுகாப்பு, தகவல் தொழில்நுட்ப ஆதரவு சேவைகள் மற்றும் நிதிநுட்பம் போன்ற சேவைகள் இந்த வரி வலையமைப்புக்குள் கொண்டுவரப்படவுள்ளன.

ஆரம்பத்தில், கடந்த ஆண்டு ஒக்டோபர் 1 ஆம் திகதி முதல் இந்த வரி அமுல்படுத்தப்படவிருந்தது. பின்னர் அது ஏப்ரல் 1 வரை ஒத்திவைக்கப்பட்டது. தற்போது, இரண்டாவது முறையாக ஜூலை 1 வரை காலநீடிப்பு வழங்கப்பட்டுள்ளது.