ஆண், பெண் பாலினங்களை தாண்டி விண்ணப்பப் படிவத்தில் சேர்க்கப்பட்டுள்ள புதிய பாலினம்!

இலங்கையில் சொத்துக்கள் மற்றும் பொறுப்புகள் அறிவிப்பை சமர்ப்பிக்கும்போது பாலினம் குறிப்பிடும் பகுதியில் மேலதிகமாக ‘மற்றவை’ என்ற மற்றுமொரு வகை அறிமுகப்படுத்தப்பட்டுள்ளது.

சொத்து மற்றும் பொறுப்பு அறிக்கைகளைச் சமர்ப்பிப்பதற்கான விண்ணப்பப் படிவத்தில் இந்தப் புதிய பகுதியைக் காணலாம்.

அதன்படி 2023 ஆம் ஆண்டின் 9 ஆம் இலக்க ஊழல் தடுப்புச் சட்டத்தின் பிரிவு 82 இன் கீழ் வனப் பொறுப்புகள் தொடர்பான பிரகடனம் இங்கே கொடுக்கப்பட்டுள்ளது.

அதேவேளை பாலின சமத்துவ சட்டமூலம் தொடர்பான தீர்ப்பில், இலங்கையில் இரண்டு பாலினங்களை மட்டுமே அங்கீகரிக்கிறது என உச்ச நீதிமன்றம் தீர்ப்பளித்துள்ளது.

பாலினம் அல்லது பாலின அடையாள வேறுபாடுகளைப் பொருட்படுத்தாமல் அனைத்து ஆண்களுக்கும் பெண்களுக்கும் சம வாய்ப்புகளை வழங்க முற்படும் இந்த சட்டமூலம், சமத்துவ உரிமையை உறுதி செய்யும் இலங்கை அரசியலமைப்பின் 12வது பிரிவின்படி இல்லை என்று நீதிமன்றம் சுட்டிக்காட்டியுள்ளது.

இந்த முடிவின்படி, பாரம்பரிய இருமை வரம்புக்கு அப்பால் மூன்றாம் பாலினம் அல்லது பாலினம் அல்லாத அடையாளம் இருப்பதை நீதிமன்றம் அங்கீகரிக்கவில்லை என்பதும் குறிப்பிடத்தக்கது.