தமிழ்ப் புத்தாண்டினை முன்னிட்டு கொழும்பிற்கு விசேட ரயில் சேவைகள்

தமிழ் புத்தாண்டு கொண்டாட்டங்களை முடித்துவிட்டு சொந்த ஊர்களிலிருந்து மீண்டும் கொழும்பு திரும்பும் மக்களின் வசதிக்காக, ஏப்ரல் 19 மற்றும் 20 ஆம் திகதிகளில் விசேட ரயில் சேவைகள் ஏற்பாடு செய்யப்பட்டுள்ளதாக ரயில்வே திணைக்களம் அறிவித்துள்ளது.

இந்த விசேட ரயில் அட்டவணையின் கீழ், காலி - கொழும்பு கோட்டை, பெலியத்தை - கொழும்பு கோட்டை, மற்றும் பதுளை - கொழும்பு கோட்டை வழித்தடங்களில் தலா இரண்டு விசேட ரயில் சேவைகள் இயக்கப்படும் எனத் தெரிவிக்கப்பட்டுள்ளது.

இதன் மூலம், சொந்த ஊர்களுக்குச் சென்றிருந்த பொதுமக்கள் நேரடியாகவும் சிரமமின்றியும் கொழும்பு கோட்டைக்கு திரும்பும் வசதியை இந்த சேவைகள் வழங்கும் என ரயில்வே திணைக்களம் மேலும் தெரிவித்துள்ளது.