6 ஆம் வகுப்பு முதல் அறிமுகப்படுத்தத் தயாராகி வரும் பாலியல் கல்வி பாடத்திட்டம் நாட்டிற்குப் பொருத்தமற்றது!

கல்வி அமைச்சு 6 ஆம் வகுப்பு முதல் அறிமுகப்படுத்தத் தயாராகி வரும் பாலியல் கல்வி பாடத்திட்டம் நாட்டிற்குப் பொருத்தமற்றது என்றும், சர்வதேச அமைப்புகளின் செல்வாக்கின் கீழ் செயல்படுத்தப்படுகிறது என்றும் பேராயர் மால்கம் கார்டினல் ரஞ்சித் கூறுகிறார்.

இதுபோன்ற நடவடிக்கைகளை உடனடியாக நிறுத்த நாட்டின் ஆட்சியாளர்களின் தலையீடு அவசியம் என்று அவர் வலியுறுத்தினார்.

நாட்டின் கடந்த காலத்தை நினைவு கூர்ந்த பேராயர், பல தசாப்தங்களாக நீடித்த போரை நம் நாடு முடிவுக்குக் கொண்டு வந்தது போல, இதுபோன்ற பொருத்தமற்ற திட்டங்களை நிறுத்த அனைவரும் ஒன்றுபட வேண்டும் என்று கூறினார்.

இந்த விஷயத்தில் ஜனாதிபதி சரியான முடிவை எடுக்க வேண்டும் என்று கார்டினல் வலியுறுத்தினார்.

மீரிகம கீனதெனிய பகுதியில் புதுப்பிக்கப்பட்ட ஸ்டெபனமுனி தேவாலயத்தைத் திறந்து வைக்கும் நிகழ்வில் பங்கேற்ற போதே பேராயர் இந்தக் கருத்துக்களைத் தெரிவித்தார்.