300 க்கும் மேற்பட்ட ஆயுர்வேத மருத்துவர்களை நியமிக்க திட்டம்!

நாட்டின் பாரம்பரிய சுகாதார சேவைகளை வலுப்படுத்த 304 ஆயுர்வேத மருத்துவர்களை நியமிக்க ஆயுர்வேதத் திணைக்களம் திட்டமிட்டுள்ளதாக அறிவித்துள்ளது.

இது தொடர்பான வர்த்தமானி அறிவிப்பு அடுத்த வாரம் வெளியிடப்படும் என்று ஆணையர் டாக்டர் தம்மிக அபேகுணவர்தன தெரிவித்தார்.

அதனைத் தொடர்ந்து முறையான விண்ணப்ப முறை மூலம் ஆட்சேர்ப்பு செயல்முறை தொடரும் என தெரிவிக்கப்பட்டுள்ளது.

ஆயுர்வேத திணைக்கள ஆணையரின் கூற்றுப்படி, புதிதாக தேர்ந்தெடுக்கப்பட்ட மருத்துவர்கள் ஆகஸ்ட் முதல் கடமைகளைப் பொறுப்பேற்க உள்ளதாக தெரிவித்துள்ளார்.