நாட்டின் பிரஜைகளிடமிருந்து விண்ணப்பங்களை கோரும் அரசாங்கம்

இலங்கையில் தகவல் அறியும் உரிமை ஆணையத்தின் உறுப்பினர் பதவிக்கு ஏற்பட்டுள்ள வெற்றிடத்தை நிரப்புவதற்காக, 2016 ஆம் ஆண்டின் 12ஆம் இலக்க தகவல் அறியும் உரிமைச் சட்டத்தின் விதிகளின் கீழ், பொருத்தமான நபர்களிடமிருந்து விண்ணப்பங்களை பரிந்துரைக்குமாறு அரசியலமைப்பு சபை அறிவித்துள்ளது.

விண்ணப்பங்கள் நாடாளுமன்றத்தின் அதிகாரப்பூர்வ இணையதளமான www.parliament.lk-இல் 'தகவல் உரிமை ஆணையத்தில் உறுப்பினரை நியமித்தல்' என்ற பகுதியில் பெறலாம். முறையாக பூர்த்தி செய்யப்பட்ட விண்ணப்பங்கள் ஏப்ரல் 01, 2025 ஆம் தேதிக்கு முன்னர் பதிவு செய்யப்பட்ட தபால் அல்லது constitutionalcouncil@parliament.lk என்ற மின்னஞ்சல் மூலமாக அனுப்ப முடியும்.

மேலும், உறையின் மேல் இடது மூலையில் அல்லது மின்னஞ்சலின் பொருள் (Subject) பகுதியில் 'தகவல் உரிமை ஆணையத்தில் உறுப்பினராக நியமனம்' என குறிப்பிடுமாறு நாடாளுமன்ற தொடர்புத் துறை அறிவித்துள்ளது.

இந்த நியமனம் தொடர்பாக மேலதிக தகவல்களைப் பெற, நாடாளுமன்ற இணையதளத்தில் https://www.parliament.lk/en/secretariat/advertisements/view/329 என்ற இணைப்பினை அணுகலாம்.