விபத்தில் கால்களை இழக்கும் அபாயத்தில் இருந்த 8 வயது சிறுமி; இலங்கை மருத்துவரின் சாதனை!
இலங்கையின் காலி, கராப்பிட்டிய போதனா வைத்தியசாலையின் பிரதிபலிப்பு மற்றும் புனரமைப்பு சத்திரசிகிச்சை நிபுணர் டாக்டர் ரஞ்சுக உபசிறி மற்றும் அவரது மருத்துவக் குழுவினர், விபத்தில் சிக்கி கால்களை இழக்கும் அபாயத்தை எதிர்கொண்ட 8 வயதுச் சிறுமியின் கால்களை வெற்றிகரமான சத்திரசிகிச்சை மூலம் காப்பாற்றி சாதனை படைத்துள்ளனர்.
விபத்தில் படுகாயமடைந்த குறித்த சிறுமி கராப்பிட்டிய போதனா வைத்தியசாலையில் அனுமதிக்கப்பட்டிருந்தார். ஆரம்பகட்ட மருத்துவப் பரிசோதனைகளின் அடிப்படையில், சிறுமியின் கால்களை அகற்ற வேண்டிய நிலை ஏற்படலாம் என மருத்துவர்கள் கருதியிருந்தனர்.
எனினும், டாக்டர் ரஞ்சுக உபசிறி தனது மருத்துவ நிபுணத்துவம், அனுபவம் மற்றும் அர்ப்பணிப்புடன் மேற்கொண்ட சிக்கலான சத்திரசிகிச்சையின் மூலம் சிறுமியின் இரு கால்களையும் வெற்றிகரமாகக் காப்பாற்றியுள்ளார்.
மேலும், கராப்பிட்டிய போதனா வைத்தியசாலையில் சிறுநீரக நோயாளிகளுக்காகவும் 150-க்கும் மேற்பட்ட வெற்றிகரமான சத்திரசிகிச்சைகளை இவர் மேற்கொண்டுள்ளதாகத் தெரிவிக்கப்படுகிறது.
ஐந்து முதல் ஆறு மணித்தியாலங்களுக்கும் மேலாக நீடிக்கும் மிகவும் சவாலான மற்றும் சிக்கலான சத்திரசிகிச்சைகளைக்கூட மிகுந்த பொறுமையுடனும் திறமையுடனும் வெற்றிகரமாக முன்னெடுத்து வரும் இவரது மருத்துவப் பணிகள் பலரது பாராட்டையும் பெற்றுள்ளன.
8 வயதுச் சிறுமியின் கால்களைக் காப்பாற்றி, அவரது எதிர்கால வாழ்க்கைக்கு நம்பிக்கையளித்த டாக்டர் ரஞ்சுக உபசிறி மற்றும் அவரது மருத்துவக் குழுவினருக்கு சமூக வலைத்தளங்களில் பலரும் பாராட்டுகளையும் வாழ்த்துகளையும் தெரிவித்து வருகின்றனர்.
மனிதநேயமும் மருத்துவத் திறமையும் இணைந்த இத்தகைய சேவைகள் இலங்கை மருத்துவத்துறைக்குப் பெருமை சேர்க்கின்றன.
.jpeg)