கடலில் மிதந்து வந்த போத்தலில் இருந்த திரவத்தை அருந்திய இருவர் உயிரிழப்பு!

கடலில் மிதந்து வந்த ஒரு போத்தலில் இருந்த திரவத்தை அருந்தியதன் காரணமாக புத்தளத்தில் இரண்டு நபர்கள் உயிரிழந்துள்ளதாகத் தெரிவிக்கப்பட்டுள்ளது.

காவல்துறையின் தகவலின்படி, மேலும் இரண்டு பேர் தற்போது புத்தளம் வைத்தியசாலையில் சிகிச்சை பெற்று வருகின்றனர்.

நான்கு பேர் கொண்ட இந்த குழுவினர் புத்தளத்தின் நுரைச்சோலை பகுதியில் உள்ள ஒரு மீன்பிடி கூடாரத்தில் இருந்தபோது இந்தக் திரவத்தை உட்கொண்டதாக காவல்துறையினர் தெரிவித்தனர்.

வைத்தியசாலையில் ஒருவர் இறந்ததைத் தொடர்ந்து, காவல்துறையினர் இந்த சம்பவம் குறித்து விசாரணையைத் தொடங்கினர்.

அதன்பின்னர், மற்றுமொரு நபரின் சடலம் மீன்பிடி கூடாரத்தில் இருந்து கண்டுபிடிக்கப்பட்டது.

காவல்துறையினர் மேலதிக விசாரணைகளை மேற்கொண்டு வருகின்றனர்.